Vawiin hian Serchhip District Legal Metrology Department leh Anti Tobacco Squad tangkawp chuan Serchhip khawchhunga dawr hrang hrangah dan lova Foreign Cigarette zawrh dapchhuah hna an thawk.

He joint drive hi Pu Johny Zonunmawia, Inspector, Legal Metrology chuan a tel pui a. Foreign Cigarette engemaw zat man niin, Legal Metrology Act, 2009 Sec. 36 leh Legal Metrology(Packaged Commodities) Rules, 2011, Rule no. 6 hmanga man niin, an man te hi seizure memo pek niin, Legal Metrology Office-a kal tura koh an ni nghal bawk a ni.

Serchhip District chhungah dan phal loh Cigaterre zawrh anih loh nan nasa leh zuala hma lak an tum a. Sumdawngte pawh dan phalloh cigarette zuar tawh lo turin an hriattir bawk a ni.

Pu Johny Zonunmawia, Inspector, Legal Metrology chuan mipuiin bungrua kan lei reng rengin MRP aia sanga lei loh tur ani a, chutianga lei tir an lo awm anih chuan Legal Metrology Office ah hriattir thin turin mipuite a chah a. Tunlaia mi takin harsatna an tawh mek Tui Meter dik leh dik loh enna khawl thar changkang tak an neih pawh a mamawh apiang ten office hun chhungin a pan theih thu a sawi bawk a ni.