PWD Aizawl Road North Division chuan ni 26.3.2018 atanga ni 14.4.2018 chhung hian State Guest House peng, Chaltlang Lili Veng atanga Tri-junction, Bawngkawn inkar kawng siamthat hna an thawh dawn avangin hnathawh hun chhung (chhun leh zan) hian helai kawngah hian lirthei eng chi mah tlan phal a ni lo tih thu a chhuah. Road Block anih chhunga lirthei tlan dar tur chu a hnuaia mi ang hi a ni e.
Lirthei te – LMV(407 huam lovin) leh City Bus chin te chauh Chanmari atangin Chaltlang lamah tlan phal anni a, Bawngkawn lama tlan tur an nih chuan Chaltlang, Transport Office Gate-ah tlan lutin Bawngkawn chhim veng atangin a kal theih ang.
Bawngkawn lam atanga Chaltlang lama kal duh te chu DIET-peng atangin a chhoh theih ang. Chaltlang lam atangin DIET peng lamah chhuk zawngin eng lirthei mah tlan/kal phal a ni lo.
Lirthei lian 407 chin chunglam Chanmari atanga Bawngkawn panna tur awmloh vangin chhim lam atanga hmar lam pan tur te chuan Zampuimanga Thlan atanga By-pass Road/World Bank Road-ah kalin Falk Land atangin Bawngkawn lamah a kal theih ang, emaw Temple lam atanga Company peng lam a chhukin Bawngkawn lam an pan thei ang.
Bawngkawn pengthuam siam hun chhunga lirthei tlan dan siam hi tluang taka a kal theih nan Chanmari Kawn to Bawngkawn inkarah lirthei tlan tibuai turin kawng sir-ah lirthei engmah dah/phal a ni lo.
He thupek hian chhiatrupna thil, kangmei leh emergency kaihhnawiha duty leh Dan leh Thupek pawimawh bika Duty-te chetvelna a huam lo ang. He thupek hi a tul dan a zirin Traffic Police ten an ti danglam thei ang.
