Tunlai hian phone call hmanga inbumna a hluar hle a, misual ten mi tam tak, an bank account atangin pawisa tarn tak an ruk chhuah sak tawh a. Heng mi te laka kan him theih nan a hnuai ami te hi zawm hram tur in kan in ngen a ni e.
1. Phone kal tlangin, mi i hriat ngaihlohin i bank account number emaw ATM card emaw a thi dawn tih an rawn hrilh che anih chuan awih suh.
2. Phone kaltlangin mi tu pawh i ATM card rawng eng chi kha a rawng pawl chi-ah thlak a ngai ti a, i ATM card number te pawh dik thlapa rawn sawiin, i phone-ah confirmation code a rawn thleng anga, chu chu mi rawn hrilh rawh an tih che chuan hrilh ngai suh ang che.
3. State Bank of India emaw bank dang i account hawnna bank atanga rawn call che ni awma insawi an awm chuan i ATM number emaw PIN emaw a hnung lama inziak emaw password emaw pawh hrilh lovang che. Bank reng reng hian an customer te phone in an be ngai lo tih hre reng ang che.
4. I hriat ngaihlohin i bank account number emaw ATM card number emaw an dil che anih chuan hrilh suh.
5. I mobile phone-ah SMS in One time password (OTP) number alo thleng anih chuan tumah hrilh suh.
6. Hetiang ang phone call emaw message emaw kan dawng anih chuan inbumna a ni tih hria in chhan duh loh emaw engmah hrilh loh mai tur a ni.
7. SMS emaw email hmanga Lottery emaw Hna (Job offer) emaw thilthlawn pek (gift) emaw i dawng anih chuan inbumna a ni tih hria la. Pawisa engmah thawn ngai suh ang che.
8. Facebook emaw Whatsapp leh social network dang atanga i hmelhriat ramdang miin thilthlawn pek rawn pek che a tum a nih chuan inbum tumna a ni tih hria in, hnar zel ang che. A rawn thawn lui che ni anga a insawi a nih phei chuan inbumna a ni tih hre nghal la, sum engmah a tlanchhuahna tur in pe hek suh ang che.
Bank account hi amahin a thi ngawt thei lo a, a thi (dormant) a nih pawhin account-ah pawisa dah luh emaw lakchhuah emaw in a nung leh nghal mai thei a ni. Bank account chungchangah buaina i nei emaw hriatchian duh i nei anih chuan account i neihna bank-ah nagmah ngei kal in thu i zawtfiah thin dawn nia.
