PWD Aizawl Road South Division ten ni 13.04.2018 atanga 22.04.2018 chhung hian Zan dar 8:30 atanga Zing dar 4:00 inkar chhung Dinthar junction kawng siam that hna an thawh dawn avangin helai kawngpui ah hian hnathawh hun chhung in lirthei eng chi mah tlan phal a ni dawn lo a, a hnuaia ruahmanna ang hian lirthei tlan dan tur siam a ni.
Dinthar junction (Pu Zoramsangliana In peng) lam atanga Dinthar kawn lama kal turte chuan Vaivakawn, Kanan Veng, Dawrpui Vengthar lamah kalin Dinthar kawn ah an kal thei ang a. Tennis Court, Kaisara Road atangin Dinthar kawn hi chhuk zawng chauhin kal phal a ni bawk ang. Khatla to Dinthar via New Secretariat complex kawng atangin Dinthar kawn hi a kal theih bawk ang.
Dinthar kawn atanga tlanchhuak tur te tan Kaisara road, Tuikual a tlan chhoh a rem lovang a, a chunga sawi ang khian Dinthar kawn atangin Kanan veng kal tlangin Vaivakawn ah emaw New Secretariat complex kaltlangin Khatla kawnah tlanchhuah tur a ni ang.
Kawng siam that anih chhung hian hnathawh tibuai thei turin kawngpui sirah lirthei leh thildang dah khap tlat a ni a, he thupek hian chhiatrupna thil kangmei leh emergency kaihhnawiha duty leh Dan leh Thupek pawimawh bika Duty te chetvelna a huam lo ang. He thupek hi a tul dan a zirin Traffic police ten an ti danglam thei ang.
