SIPMIU (NERCCDIP), Aizawl te chuan ni 1.6.2018 atang hian Laipuitlang, Thirhrui Ban kawn leh Laipuitlang Local Council House inkarah Pipeline phum hna an thawh dawn avangin Aizawl Traffic S.P chuan hnathawh hun zing dar 9:00 atanga tlai dar 5:00 leh zan dar 9:00 atanga a tuk zing dar 5:00 inkar chhungin helai kawngah hian lirthei tlan khapna thupek a chhuah a, hnathawh tibuai thei turin kawng sirah lirthei eng chi mah dah/park phal a ni lo.
He thupek hian hnathawh zawh anih hma chu a huam ang.
Hei hian chhiatrupna thil kangmei leh emergency kaihhnawiha duty leh dan leh thupek pawimawh bika duty te chetvelna a huam lo ang.
He thupek hi a tul dan a zirin Traffic Police ten an tidanglam thei ang.
