Vawiin chawhnu khan Chief Secretary Conference Hall, New Secretariat complex Aizawlah Chief Secretary Pu Arvind Ray leh department pawimawh hotute an thukhawma, Governor Designate Pu Kummanam Rajasekharan lo hmuah dan tur leh Swearing In Ceremony kalpui dan turte an rel.
Governor Designate Pu Kummanam Rajasekharan hi May Ni 29, 2018 hian Thuampui Helipad ah Indian Air Force helicopter in chawhma dar 9 velah a lo tum hman beisei a ni a, Swearing In ceremony hi dar 11 ah Durbar Hall, Raj Bhavan ah, Gauhati High Court Chief Justice kaihhruaina hnuaiah kalpui tum a ni.
Vawiin thutkhawmnaah hian Chief Secretary Arvind Ray, Pu Lalnunmawia Chuaungo IAS Principal Secretary Finance, DGP Balaji Srivastava leh Sawrkar hotute an tel a, Thuampui Helipad a Governor Designate lo hmuah dan tur leh Durbar Hall a Swearing In Ceremony kalpui dan turte rel anih bakah rawlkhawlhna avanga program her danglam thut angaih pawha ruahmanna siam lawk dan tur te an sawiho.
