Mizoram State Sorkar Notification No. B.12021/10/04-TRP Dt. 22.8.2008 leh Section 115 of MV Act, 1988-in thuneihna a pek angin, Aizawl Traffic S.P chuan Aizawl khawpui chhunga lirthei tawt lutuk tihziaawm nan leh mipui vantlang tana remchan zawkna  tur a nih beiseiin leh Coordination Committee on Traffic Management-in Two Wheeler Taxi Service te intlanchhawk tura a lo rel tawh angin Dt. 2.9.2019 atangin Aizawl khawpui chhunga Two Wheeler Taxi Service te intlanchhawk turin thupek a chhuah a. Two wheeler Taxi intlanchhawk chungchangah a hnuaia mite hi zawm ngei turin Aizawl Traffic S.P chuan thupek a chhuah.

1. Two Wheeler Taxi te chu Group nga (5)-ah then an ni ang a, hmun nga a then a hmun li [4/5) to chu Aizawl khawpui chhung kawngpui tlangdung (Main Spine/artery) ah an tlanthei anga, hmun nga a thena hmun khat (1 /5) te chu kawng tlangpui dung (Main Spine/artery) ah an tlan ve thei lovang, Tlantheihlohna chin chu Annexure -1-ah tarlan a ni.

2. Two Wheeler Taxi te chu Sticker A (a sen), B (a pawl), C (a hring), D (a eng) & E (a dum) hmangin thliar hran an ni ang.

3. Intlanchhawk timing chu hetiang hi a ni ang 9: 00 AM - 6: 30 PM.

4. Intlanchhawk hian Thawhtanni atanga Zirtawpni thleng a huam anga. Inrinni Chawhnu Dar 1:00PM hnulam leh Pathianni leh Sorkar Holiday te a huam lovang.

5. Sticker hi Two Wheeler Taxi hma lam leh hnung lamah a langsar thei ang bera tar tur a ni.

6. Intlanchhawk dan tur ruahmanna (table) hi thla ruk (6) zela tan siam a ni anga, chu chu Two Wheeler Taxi Association hruaituten Aizawl City Traffic Station atangin an lam thin ang.

7. Sticker hi mahni Document felfai tak kengin Aizawl City Traffic Station-ah lam tur a ni ang.

8. Intlanchhawk chhung hian Sticker te hi Document pawimawh tak a ni a, Sticker nei lo/bel lo chuan Aizawl khawpui chhungah Service/tlanphal a ni lo.

9. Sticker chhia chu a chhiat dan ang angin Aizawl City Traffic Office-ah thleng tur a ni.

10. Sticker hi Dt. 19.8.2019 atanga 30.8.2019 inkar chhungin Aizawl City Traffic Police Station-ah lam theih a ni ang. Sticker lak hun chhung a la lo leh bel lo te chu service phalsak anni lovang.

11. Sticker lem siam leh hmangtute intlanchhawk dan bawhchhiate chu Sect. 179 MV Act, 1988 hmanga hrem tur an ni ang. Annexure-I a tlan theih chin bak rawn pel Two Wheeler Taxi reng reng te chu Sect, 179 MV Act, 1988 vek a hrem an ni ang.

He Notification hi ni 2.9.2019 atanga hman tan tur a ni ang.