Vawiin khan kum 2019 Republic Day hman dan tur relna meeting hmasa ber chu Aizawl DC Conference Hall ah Aizawl DC Dr.A.Muthamma hovin neih a ni.

Republic Day hi AR Ground-ah lawm a ni leh dawn a. Parade Contingent turte thlan mek niin School Contingent 14 awm thei tur a beisei a ni a. School naupangte tan an hriselna endik hna uluk taka kalpui tum niin kum thar January ni 9 leh ni 10 ah medical check up hi neih nise tiin Committee chuan a rel a ni. Sawmna card siam leh sem chhuah hun tur te, rehearsal neih dan tur te, parade contingents a bik takin school naupang te ei leh in tur chungchang te meeting-ah hian sawiho a ni bawk.