Mizoram Chief Minister-in Krismas leh Kumthar chibai a bukna chu Nimin (20.12.2018) khan Lawngtlai Bawrhsap Pu N. Chakhai MCS chuan Chief Minister ai awhin Lawngtlaia damdawi in leh home-ah te a hlan.

Chief Minister chibai bukna thilpek hi Lawngtlaia damdawi in pathum, District Hospital, Lairam Christian Medical Centre leh Christian Hospital Lawngtlai bakah, Lairam Motherless Home-ah te Lawngtlai Bawrhsap hian a hlan a. Gilead Drop-in Centre leh District Jail-ah te naktuk hian hlan chhunzawm a ni bawk ang.

Chief Minister-in Lawngtlaia he'ng damdawi ina damlo awmte leh jail tang te, hnuchham enkawlnaa awmte leh ruihhlo ngaite Krismas leh Kumthar chibai a bukna atan hian a vaiin Rs 14,000/- (singkhat sangli) sem a ni a. Hemi rual hian Lawngtlai Bawrhsap chuan ama pualin he'ng hmunahte hian thilpek a hlan tel ve zel bawk.

Chief Minister hminga thilpek hlannaah hian Lawngtlai Bawrhsap Pu N. Chakhai hi SDO (Sadar) Pi Rochuangkimi Khenglawt bakah, MJA Lawngtlai District hruaitu thenkhatte'n an tawiawm a ni.