Kumin November 18th - 22nd, 2019 inkar hian Aizawlah Sipai lak runpui  tel tur te pualin MYC Pre-Recruitment training changtlung tak buatsaih a ni leh dawn a ni.

MYC Chairman Dr. Vanlaltanpuia chuan kumina Sipai Lak Runpui neih hunah Mizoram puala post ruak awm zat luahkhat a nih ngei theih nan  MYC chuan hmalak an turn thu leh MYC Pre-Recruitment training changtlung tak buatsaih thuai a ni dawn tih a sawi a. He Pre-recruitment training hi District tina thingtlang hmun kilkhawr zawk ami te tan pawha chhim theih turin MYC chuan buaipui an tum tih a sawi a ni.

Mizoram Youth Commission (MYC) chuan kum hmasa lamah te khan Indian Army Pre-Recruitment Training Program hlawtling takin a lo buatsaih tawh a. Kumin November 18th - 22nd, 2019 inkar chhunga Aizawlah neih tur Pre-recruitment a tel duh te tan Online Registration chu 15th Sept - 30th Oct, 2019 inkar chhunga tih theih a nih tur thu Army Recruiting Officer hnen atanga dawn a ni.

He Pre-Recruitment Training hi District tina thingtlang hmun kilkhawr zawka mite tan pawha chhim theih tura buatsaih tum a nih avangin, Assam Rifles, Sainik Welfare leh Army Recruiting Officers ten nen meeting neiin, he program hlawhtling taka kalpui a nih theih nan MYC chu a inbuatsaih mek a. Hemi lama tawnhriat ngahte vawi engemawzat ko khawm in, rawtna lut te pawh thlitfim chhoh zel a ni.