Tunlai ruahsur nasa avangin Mizoram hmun tam takah inkalpawhna kawngpui a chhia a. Heng kawngpui pawimawh tak tak te hi zawh a nih theih nan theih tawp chhuahin Mizoram Public Works department chuan chawl lovin hna an thawk char char nghal zel a. Heng an hmalakna leh kawngpui dinhmun te mipui ten kan hriat tlan turah a hnuaia mi ang hian Engineer-in-Chief, PWD Office chuan thuchhuah an saiam a ni.

Ni engemawti chhung ruah tam tak sur avangin July 19, 2019 khan NH-54, Khamrang bul, NH-6:Khawzawl-Champhai road Haidailui leh NH-54: Lawngtlai khaw chhungah leimin leh kawng bal avangin motor eng chi mah kal theih lohvin kawng a ping a. Lawngtlai khaw chhung a kawng bal nasa tak chu bialtu MLA leh tualchhung hotute puihna azarah July 23 khan motor kaltlang theiha siam a ni a; July 26 khan lung phah zovin lirthei eng chi pawh kal theiha siam zawh leh a ni ta a.

Champhai kawng, Haidailui kawng chhuat bal vek chu District thuneituten mimal ram an tihfel vat avangin a tuk tlaiah khan kawng chhak lai zauvin motor te chu chhuah nghal a ni a. Khawl lian zawk hmanga laih zauh belh lehin, ni khat lek chhungin  motor lian kal theiha laih zauh a ni leh a ni. Motor a kal reng avanga duh anga chaka hna thawh theih a nilo chungin, August 1 tlai atang chuan lung phah zovin harsatna awm lova kal theiha peih a ni dawn a ni.

NH-54, Khamrang bul erawh chu metre 200 laia thui kawng hnawh leh kawng chhuat cement concrete siam thar a nawr chhuah avang leh, chhak lam atanga lei tawlh tur a tarn avangin chuti maia thenfai theih a ni lova. Motor tam tak tang avanga mipuiin harsatna kan tawh loh nan harsa chunga motor chhuah zel a ngai a. Ruah lo sur fo avangin kawng a diakin a nal a, motor tang nawr chhuah chawp zel a ngai bawk a. Nitin kal lam leh haw lam motor 100 vel chhuah thin a ni chungin tang an la awm reng a, Nitin zing dar 10 atanga tlai dar 3 motor kaltir lova leivung thenfai hna thawh a, zing dar 10 hma lam leh tlai dar 3 hnu lamah motor kaltir tura ruahman a ni a; hei hi mipuiin min hriatsak turin kan ngen a ni.

July 29, 2019 zana Mamit kawng, Dapchhuah lui bul kawng bal vek chu mimal ram laih ngaiah District thuneitute puihna zarah atuk atangin hna thawh tan a ni. Mahse pialtlep lung hlir a nih avangin chuti maia sial tlang theih a ni lova. Tum anga thawh theih anih chuan August 2, 2019 chawhnu lamah chuan motor kaltlang theiha peih beisei a ni.

Heng kawng hnukpui bak pawh hmun engemawzatah leimin leh kawng ping a awm a; a bialtuten theihtawp chhuahin an thian zel a. Leimin thenfai leh kawng sialthat ngai buaipuinaah Civil Administration, Police lam, Khawtlang hruaitute leh Driver-te tawiawmna duhawm tak kan dawn zel avangin kan lawm tak zet a. Kan duh anga ranga kawng kan hawn theih loh avanga mipuiin harsatna kan tawk hi pawi kan ti takzet a, hemi chungchangah hian min lo hrethiam turin mipuite kan ngen a ni.