2965/2023-2024

Aizawl, the 7th December, 2023: Vawiin chawhma dar 10:00 khan Aizawl SP Conference Hall-ah District Crime Review Meeting 2023 thutkhawm neih a ni. He meeting hi IGP (L&O) Pu Neihchungnunga, IPS chuan hawngin Aizawl SP Pu Rex Zarzoliana Vanchhawng chuan a kaihruai a ni. He hunah hian Aizawl District chhunga Sub-Divisional Police Officer-te, Officers-in-Charge leh Investigating officer-te an tel a ni.

District Crime Review meeting vawiina neihah hian member kalte hnen atangin kum 2023 chhunga special report case (sensational case) leh District chhunga case register chungchanga hmalakna leh hmalak zui dan turte sawiho a ni a. Aizawl District-ah hian kumin 2023 November ni 30 thlengin case register 2238 awmin heng atang hian case 920 te chu charge sheet tawh a ni.

He huna tarlan a nih danin kumin chhungin IPC (Indian Penal Code) hnuaia Police Station hrang hranga case register zingah Burglary/theft (Rukruk) a hluar ber a, case 1556 register tawh niin, case 519 charge sheet tawh a ni a, case 293 ah conviction hmuh tawh a ni. Murder (Tualthah) case 10 register a ni a, case 7 charge sheet tawh a ni. Motor accident fatal (motor accident thihna thlenna) case 26 register awmin, case 19 charge sheet tawh a ni. Hurt/Affray (Kut inthlak/insual buai) case 40 register tawh niin, case 29 charge sheet tawh a ni. Heng zinga case la charge sheet lohte chu chhuizui mek zel a ni.

Local and Special Law hnuaia case register zingah POCSO (Naupang laka hur sualna lam rawngkai) case 35 register a ni a, case 27 charge sheet tawh a ni. Arms Act (Dan lova silai kawl leh hman) case 11 awmin, case 6 chu charge sheet tawh a ni. ND&PS (Ruihhlo kaihhnawih) case 21 register tawh niin, case 18 charge sheet tawh a ni. MLP Act (Zu kaihhnawih) ah case 117 register niin, case 81 charge sheet tawh a ni. Heng zinga case la charge sheet lohte chu chhuizui mek zel a ni.

Meeting-ah hian kan hma lawka lo thleng tur Christmas 2023 leh Kum thar 2024 hlim leh ralmuang taka hman a nih theih nan Sawrkarin khapna thupek a chhuahte tha taka zawm a nih theih nan Police Officer zawng zawngte a tul anga inbuatsaiha hma la theuh tura chah an ni.