2966/2023-2024
07.12.2023 : "Armed Forces Flag Day" hi India ram pum ah kum tin December ni 7 ah, kum 1949 atang khan hman tan a ni a. Hemi pual hian ram himna atana an hun lo hlan ta armed forces te'n an kalsan tak an chhungte tan vehbur khawm thin a ni a. Mizoram ah pawh Sainik Welfare & Resettlement hma lakna-in ram pumah vehbur khawn thin a ni.
Vawiin khan sawrkar official hrang hrangte hnen-ah vehbur khawn niin, Rs.21,060 (Cheng singhnih sangkhat sawmruk) an hmu a. District Sainik Welfare Office pali ten Armed Forces Flag Day material lapel badge leh sticker sawrkar department hrang hranga chan sak tura an sem atangin thahnem tak hmuh belh tura beisei a ni bawk. Tlawmngaia thawhlawm petu zawng zawng te leh Flag Day material chan sak tute zawng zawng chungah Sainik Welfare & Resettlement Department chuan lawmthu a sawi a ni.
Armed Forces Flag Day ah hian sipai huaisen, ram leh hnam tana nun hlan ta te hriatrengna leh la tanglai mek, mahni in lum leh chhungte bula awm lova, ram leh hnam venhimna atana vur ram khaw vawt, thlaler ram ro, ram pilril tak tak, ngawdurpui leh tuifinriat zau tak tak leh van sanga ram venhimnanathlawk mi te chibai buk na ni pah fawmin, ram leh hnam tana nun hlan ta te leh an chhungte mi harsa zual tanpui nan vehbur khawn thin a ni.
