New Delhi-a chammek Pu Robert Romawia Royte,Tourism Minister chuan vawiin khan Pu Yogendra Tripathi,Union Secretary,Ministry of Tourism chu kawmin kum 10 zet kaltaa Institute of Hotel Management  Aizawl Bungbangla-a a building sak tawh chu kum 10 kalta chhung khan chhunzawm a ni lova,Mizoram tan leh India ram pum huap pawha Zirna In pawimawh anih avangin MNF Sorkar tharin a ngaipawimawh tih hrilhin a furniture leh equipments leina tur Rs 200 lakh a dil a,Union Secy leh Economic Adviser te chuan Insitute of Hotel Management  chu rampum tan a pawimawh avangin Rs 200 lakh chu an release thuai tur thu Tourism Minister chu an hrilh nghal a ni.

He Institute-ah hian zirlai 100 tan hotel management Degree course a zir theih dawn bakah Zirlai 150 tan Tourism Diploma Course a zir theih bawk ang. He Institute hi National Council For Hotel Management and Catering Technology  vilna hnuaia enkawl tur a ni a,Common Entrance Test hmangin Degree Course zirtur tan admission a  tihtheih dawn a ni.He Institute hi kum 10 zet ngaihthah alo nih tawh avangin Central Sorkara Tourism Ministry hotute chuan July 2019-a Course tan hman tur pawha hmanhmawh taka hmalakpui an inhuam thu Minister chu an lo hrilh a ni.

Hei bakah hian Pu Roytea rawtna angin Mizoram College thlanbikah Tourism Course zir theihna tura tanpuina (financial assistance) pek chu Tourism Ministry chuan a thuphungin an rem ti bawk.

A chunga mite bakah hian Mizoram Tourism Minister chuan Project Proposal 2 dang Union Tourism Secy hnenah a submit a, ni 16.1.2019-ah ruatlawk angin Union Tourism Minister Pu C.J.K.Alphons nen an sawi dun leh dawn a ni.

New Delhi a cham mek  Tourism Minister Pu Romawia Royte hian ama Deptt chan dang Sports & Youth Services leh ICT hotute a kawmzui leh dawn bawk.