4620/2024-2025

Dated Aizawl the 12 March, 2025 : Department of Empowerment for Persons with Disabilities, Ministry of Social Justice & Empowerment bultumin vawiin khan National Institute for Persons with Disabilities - Regional Centre- Aizawl chuan Pianphunga Rualbanlote tan, an themthiamna hrang hrang entirna leh intihhlimna hun bakah,  hnam lam leh zaite entir a, an thil siamte zawrh chhuah na hun "Purple Fair," chu AR Lammual, Aizawlah a buatsaih  a. He hun hi Er. Lalhriatpuia Deputy Commissioner, Aizawl chuan khuallian niin a hmanpui.

He hunah hian  rualbanlote tan an thilsiam te an zawrh chhuah na hmun tur stall 15 siamsak an ni a. Hnam lam hrang hrang Chheih lam, Siktuithiang lam, Sarlamkai leh live band te entira ngaihthlak niin, infiamna chi hrang hrang hmanga intihhlimna hun hman a ni a.  Rualbanlote hmanraw mamawh hrang hrangte sem nghal a ni.