4621/2024-2025

Champhai, 12th March 2025: Vawiin khan District Fisheries Development Office, Champhai Kahrawt Community Hall-ah Pradhan Mantri Matsya Sampada Yojana (PMMSY) 2022-23 hnuaia sangha dil thar (New Pond Construction) siamna atan mi 80 hnenah cheng 45,360 ṭheuh an pe chhuak a, a vaiin cheng nuai 36.23 (₹36,28,800) sem chhuah a ni. He hunah hian Financial Literacy Campaign neih nghal a ni bawk.

He hun hi Pi Lalremsangpuii DFDO, Champhai chuan kaihruaiin sangha khawitu kalkhawmte chu an sum dawn te chu a nihna ang taka hmang tur leh hmasawnna neih phah nana hmang turin a fuih a, rinawm taka an sum dawn te hmang turin a chah bawk. Vawiin hun hi hun hnihah ṭhen niin, chawhma lamah hian ṭanpuina semchhuahna hun bakah Financial Literacy Campaign neih nghal a ni a, Pu Lawmkima, Lead Bank District Manager, Champhai, in KCC Loan chungchang zirtirna a pe a ni.

Chawhnu lamah hian PMMSY 2022-23 hnuaia sangha dil thar siamna dawngtute tan training buatsaih niin Pu Lalchhuanawma Assistant Fishery Officer chuan sangha dil khuah dan leh enkawl dan tur zirtirna a pe a; Pu Lalmalsawma, Fishery Demonstrator chuan Common Carp Breeding leh Pond Management (Tuikhuah enkawl dawn ) chungchangah zirtirna a pe bawk a ni.