4622/2024-2025

Siaha the 12th March 2025: Vawiin chawhma dar 11:30 khan DC Mini Conference Hall, Siahaah Mizoram Sawrkar Flagship Programme ‘Bana Kaih’ hnuaia Chief Minister’s  Inventors Challenge-ah mimal hmasawnna tur leh khawtlang tana rotling Hardware Innovation (khawl lam thil siamchhuahna) a duh apiang tel theihna project insiamsiak inelna neih a ni.

He hun hi District Bawrhsap leh District Innovative Challenge Committee Chairman ni bawk Pu VL. Hruaizela Khiangte chuan a kaihruai a, inelna thianghlim buatsaih a ni thin chu lawmawm a tih thu sawiin inelnaa telte zawng zawng duhsakna a hlan bawk.

Endiknaah hian tefung hrang hrang - Creativity & Original of Idea/Concept, Practicality/Technical Feasibility, Design & Execution, Business Model and Sustainability leh Societal impact Value te hman a ni. Endiktute leh mi thiam sawm bikte hmaah inelna neih niin Table saw siamtu Pu C. Lalrinpuia, Vaihpi III chu pakhatna a thlan niin  lawmman pawisa Rs. 25,000 leh Certificate a dawng a, pahnihna Pu Vahmo, New Colony 5 chuan lawmman pawisa Rs.15,000 leh Certificate a dawng bawk. Pu C. Lalrinpuia hian state level intihsiakna 25th -27th March, 2025 inkara Aizawla neih turah Siaha district ai a awh ang.

Vawiina endik tute chu 

1. Pu Reuben Kompa - Principal, ITI, Siaha

2. Pu Chawngdingliana - Extension Officer, DIC, Siaha

3. Pu C. Laltlanzuala - Project Scientist I, Aizawl

4. Pu Laltanpuia, Centre Engineer, Aizawl te anni. 

Vawiin hun hmannaah hian Pu M. Misael, PD, DRDO leh Member Secretary, District Innovation Challenge Committee ni bawk bakah Pu Viasai Solo, Sr. EE, PHED leh Pu K. Luaiminthanga, Sr. EE, PWD te an tel.