2608/2026-2027

Dated Aizawl, the 09 October 2026: Vawiin khan khawvel puma rilru hriselna puala hman thin World  Mental Health Day 2026 chu Aizawlah chuan Psychiatry Department, Kulikawn Hospital, Rosewood Hospital leh National Mental Health Programme-te tangho  buatsaihin I&PR Conference  Hall, Lianchhiari Runah, 'lived experiences heard: real voices, real change'  tih tih thupuia neiin  hman a ni a. Pi Lalnunmawii Ralte, Additional Secretary, H&FW Department chu khuallian a ni a, World Mental Health Day 2026 puala buatsaih Poster atlangzarh nghal bawk.

He hunah hian khuallian Pi Lalnunmawii Ralte, Addl. Secy, H&FW Department chuan thusawiin, World Mental Health Day 2026 hlawtling taka hman theih a ni chu lawmawm a tih thu a sawi a. World Mental Health Day hman a nih chhante leh rilru hriselna lama harsatna neite tana mamawh chhanna an nih theuh theih ziate sawiin, khuallian chuan rilru chu taksa ang tho a dam lo leh natna khirh takte pawh tawk ve thei a ni tih mipuia pu darh theuh turin kalkhawmte chu a chah a. Rilru puthmang chu mihring nunkawng engkim hriltu a ni tih hria a mahni leh mahni ngei pawh inenfiah fo tura fuihin, World Mental Health Day 2026 chu hlawhtling taka hmang theuh turin duhsakna a hlan nghal bawk a ni.

World Mental Health Day hi KHAWVEL pumah kum 1994 atang khan thupui bik neiin kum tin, October ni 10-ah hman thin a ni a. Mizoram bikah chuan Kumin hian remchan zawkna avangin vawiin khan hman a ni a. He ni pual hian Rilru hriselna lama mithiam bikte leh he ni puala sawm bikte chuan kalkhawmte hi zirtirin, Mizorama rirlru hriselna dinhmunte an sawifiah a. Doctor Vanlaldiki, psychiatrist, Kulikawn Hospital chuan Rilru Hriselna lama harsatna neite dinhmun leh Mizorama damdawiin chi hrang hrangahte inenkawlna tha tak tak a awm tawh dan te a sawi a. Pi Mina Zoliani Joute, Director, DIPR pawhin rirlru hrisel put a pawimawhzia te leh chumi atan chuan a bik takin thalaite chu mahni nihna ang taka lang Ngam tur leh KHAWVEL hmachhawn thei tura intah hriam a pawimawh tak zet tih a sawi a. Dr.Robert L.Khawlhring, SNO, NMHP  chuan Mizorama Mental Health kaihhnawih inenkawlna te leh a bikin englai pawha mithiamte Biak rawn thiehna tele-manas 14416 chu zau zawka inhrilh darh a pawimawh ziate a sawi bawk.

Vawiina hun hman hi Dr. ZOnunmawii Pachuau, Director, H&ME chuan kaihruaiin kalkhawmte lawmna thu a sawi a. Thupui sawizauna leh Zirhonate neih a nih hnuah mithiam leh sawmbik ten kalkhawmte hmaah thu an sawi a. Pi Biakhluzuali Chengkual, Clinical Psychologist, Kulikawn Hospital chuan lawmthu sawiin hun hi a khar a ni.