1595/2022-2023 

Aizawl, the 13^thAugust 2022 : India Independence vawi 76-na champha lawmna Azadi Ka Amrit Mahotsav pualin Labour, Employment, Skill Development & Entrepreneurship Department chuan, “Youth Skills for a better Tomorrow” tih thupui hmangin  Walkathon For Skill Development, Vanapa Hall atanga MCDonald Hill, High Field thleng August 13, 2022, zing dar 6:30 AM khan an buatsaih a. He programme hi Ministry of Skill Development and Entrepreneurship, Govt of India puihna hmanga buatsaih a ni.

Walkathon hmanpuitu, Pu Lalramsanga Sailo, Secretary, LESDE Department chuan Har Ghar Tiranga campaign tihlawhtling theuh turin zirlaite a sawm a. Education (zirna) hi Thiam thil (Skills) zirna nen a kalkawp a pawimawh hle a ni a ti. Ram intodelh leh hmasawn kan nih theih nan Skill Development lam kan ngaih pawimawh a tul a, Govt ITI leh Dept dang ten skill training course an kalpui leh Skills Competition LESDE in a buatsaihte chhawr tangkai a tul a, mimal eizawnna atan leh khawtlang leh ram tan skills chi hrang thiam a pawimawh a ni, a ti a, Walkathon-a kal turte a vai liam nghal a ni.

Walkathon kharna hi High School Field, Zarkawtah hman niin, he hunah hian LESDE Department Director, Pu K Lalhmingliana chuan, Zoramthar kailawn chu Skill Development anih thusawiin Department in skill competition a buatsaih thin thu te, Sport Olympic mai ni lo, Skills Olympic-ah Mizo ten hmakhaw eng tak kan nei a thu te a sawi a. Mizoram pawh India ramah Skill Development lama hmala ṭha ber pawl anih thusawiin tun hnai maia World Education Summit:2022 Hyderabad-a neih zawh takah LESDE Department chuan, "Award for Skill Development in Govt. Sector Initiatives" a dawn thu a tarlang a. Mizo Thalaite Skill Development lamah kan harh zel a pawimawh zia leh ram hmasawnna chu thalaite kut a nih thu sawiin he hun hi a khar a ni.

He hunah hian School Pali, Govt. Pianghleia High School, Modern English Higher Secondary School, Lalmalsawma Memorial School, JC Elementary School leh Govt. ITI Aizawl atangin Zirlai leh Zirtirtu mi 150 vel an tel a, Arts and Culture Department Official te an tel bawk.