Vawiin chawhma dar 11:00 hian ARCS Office, Champhai District huaihawtin I&PR Auditorium ah International Year of Co-operatives, 2012 & 59th All India Co-operative Week 2012 kharna hun hman a ni a. Pu T.T.Zothansanga MLA, Champhai North Constituency bialtu leh Pu Lalthangpuia Sailo, Champhai District Bawrhsap ten an hmanpui.

Khuallian Pu T.T. Zothansanga MLA chuan thu sawiin kum 1904 khan Co-operative hi India ramah tan a ni a. Amaherawhchu kum 1947 a India in Independence a hmuh thleng pawh khan Co-operative chuan hma a sawn chak lo hle a Mi thenkhat phei chuan India ramah hian Co-operative hi a hlawhchham an ti hial reng a ani.Amaherawhchu India ram Prime Minister Pu Nehru khan India rama mirethei chawikan nan Co-operative hi hmanraw tha ber a ni atih avangin ngaih pawimawh a hlawh chho ta a ni.Chuvangin, Co-operative te tana a thawhrimna hre rengin amah chawimawi nan kumtin a pian champha Novembe 14 atanga tanin All IndiaCo-operative Week hapta khat chhung hman a ni thin a, kumin hi a vawi 59 kan hman na a ni, a ti a.

Co-operative movement hi Mizoramah hian kum 1949 atangin a lo intan a, kum 1966 hnu lam atang phei chuan Zoramah a lo lar ta in hriat a hlawh chho ta zel a ni. Tunah hian Co-operative tam tak chu tlu chhiain thi tawh mahsela, Co-operative tam tak chu tha taka dingin hma a sawn ve zel a, Zoram mipui hian kan chhawr mek zel a, kan hriat theuh angina kan District ah pawh Co-operative hmasawnna kan hmu chho ve zel a. CHAMUL, LAMPS leh Khawzawl a Multipurpose Society thangduang tak te hi kan District ti mawitu te an ni a, Sialkal tlangdung lama Co-operative society ten an area chhunga thil man sang tur an control tlat maite hi mipuite tana Co-operative hnathawh lo lang ropui tak chu a ni, a ti a .Tunlai khawvel Information Technology in ro a relna hmunah hian thil thar leh hmasawnna umphak zel turin Co-operative hi hmanraw tha a ni a, hemi atan hian thalaiten Co-operative an tui a, an luhchilh a tul em em a ni. Kan hriat theuh angin sorkar hna in min daih lova, chutih laiin Co-operative sector hian unemployment problem hi nasa takin a solved mek a ni tiin Co-operative a tui leh mi inpe te kan ram hian a mamawh a, mithiam leh tuimiten hma rawn la zel teh u tiin kalkhawmte chu a sawm a ni.

Khualzahawm Pu Lalthangpuia Sailo Champhai District Bawrhsap pawhin thu sawiin kumin 2012 hi UNO General Assembly chuan International Year of Co-operatives a a lo tawh puan thu sawiin he General Assembly hmang hian retheihna tihtlem te, Hnathawh tur siam chhuahte, inpumkhtna lam hawia tan lak te a tum a, India ramah hian Co-operatives Movement hi Agriculture leh hetiang lam chi ho avanga lo awm a ni a. India Independent hnuah thil hrang hrangah hna a thawk a. Ei bar zawnna lamah a tangkai hle a ni, a ti bawk.

He programme Pu K.Lalthanpara ARCS Champhai District kaihhruai ah hian Champhai District a Society hrang hrang te an kal tha hle a, Mizoram Governor, Chief Minister leh Co-operatives Society Minister Pu J.H Rothuama te thuchah chhiar chhuah a ni a. Kalkhawmte hnenah CHAMUL Bawnghnute hnianghnar takin in turin sem a ni.