Mizoram Governor Lt. Gen Nirbhay Sharma, PVSM, UYSM, AVSM, VSM, (Retd) chu January ni 6, 2017 khan Sardar Vallabhbhai Patel National Police Academy, Hyderabad-a ‘35th All India Police Equestrian Meet’ neihah khuallian a ni a, he meet-a tithate hnenah lawmman a sem nghal.

Director of SVPNPA, Hyderabad Pi Aruna Bahuguna, IPS chuan Mizoram Governor chu lo lawmin National Police Academy-a officer leh staff te a hmelhriattir a. All India Police equestrian meet-ah hian ramchhung state police leh central paramilitary force hrang hrang atanga lo kal team 18-in he inelnaah hian an tel a ni. Sakawr 290 leh sakawra chuang thiam (rider) 460 lai an inel a ni. Heng police leh para-military forces zinga sakawra chuang thiamte chuan inelna hrang hrang - dressage, one day event, show jumping event, tent pegging leh hacks ah an intihsiak a; hemi ruala neih mounted police duty meet-ah hian police horse tests, quadrille competition, medley relay, competition for farriers and syces leh mental hazard competition te pawh neih a ni.

Mizoram Governor Pu Nirbhay Sharma chuan National Police Academy-a police training neihdante a thlir hnuah he hmuna police nunna chante hriatrengna lungphun-ah pangpar dahin zahna a lantir nghal bawk a ni.