Ni hnih awh tur Meeting of the Sub Committee of the Standing Committee of All India Presiding Officers’ Conference vawiin chawhma dar 11 khan Assembly House Annexe, Aizawl-ah neih tan a ni.

Meeting hian India rama Speakers’/ Presiding Officers Conference kum tina neih thina thurel te Sub-C a thurelte Parliament leh State Legislature hrang hrang te a bawhzui a nih dan te enin hmalak zel dan tur ruahmanna te an siam a. Presiding Officers Conference lo awm leh tur atan rawtna te an siam dawn a ni.

Tun tum meeting-ah hian thil pawimawh hrang hrang an ngaihtuah tur zingah MP leh MLA te kaihhruai dan (Code of Conduct), Committee kalphung hrang hrang, zawhna leh chhanna hun tihbuai chungchang leh a kaihhnawih leh Assembly Session hun chhung tur chungchang te a tel a ni.

Vawiin Meeting-ah hian Dr A Chakrapani, Convener, Chairman, Andhra Pradesh Legislative Council; Pu R. Romawia, Speaker, Mizoram Legislative Assembly; Pu Uday Narain Choudhury, Speaker, Bihar Legislative Assembly; Pu Ganapatbhai Vestabhai Vasava, Speaker, Gujarat Legislative Assembly te; Dr S.Raja Sadaram, Secretary, Andhra Pradesh Legislative Council; Pu DM Patel, Secretary, Gujarat Legislative Assembly; Pu Ngurthanzuala, Secretary Mizoram Legislative Assembly; Pu AK Munshi, Additional Director, Lok Sabha Secretariat; Pu Ajay Kumar Sood, Deputy Secretary, Lok Sabha Secretariat; Pu NK Goyal, Jt. Director (Reporting) Lok Sabha Secretariat; Pu S Ramaswami, Jt. Director (Reporting) Lok Sabha Secretariat leh Pu Manoj Bahuja, Protocol Officer, Lok Sabha Secretariat te an tel a ni.

He Committee hian August thla tawpah Gandhinagar, Gujarat-ah an thu leh dawn a ni.