Vawiin khan Transport Minister Pu P.C. Zoram Sangliana hovin Coordination Committee on Traffic Management a office ah an thukhawm.

He meeting hi an Chairman Pu P.C. Zoram Sangliana’n a kaihruai a khawpui chhung traffic tawt lutuk tihziaawm dan tur kawng hrang hrang in an sawi ho a. A bik takin kawngpui kam a motor workshop, cement, balu, brick, Iron rod, thing leh mau zuar tuten motor kal an tih chep thin avangin khawpui pawn lama senghawi tir dan tur te an sawi ho a. Tun hmaa an hma lakna Aizawl Deputy Commissioner hova an thu chhawpchhuah te chak zawk a bawhzui nise an ti.

Heng bakah hian Bazar New Market chhung a bawlhhlawh paih motor bak motor tlan thin in harsatna a siam chungchang te an sawi, Traffic police ten a tih dan lo dap se an ti bawk.

Heng bakah hian Road Tax chungchang te Taxi intlan chhawk dan tur chungchang te huam zau takin an sawi a, a theih chin chin ah sorkar in kaihhruaina a lo duang tawh chu bawhzui zel ni sela an ti.

He meeting ah hian member an kal tha hle a, Transport Secretary Pu H. Darzika’n Minister hi a tawiawm a ni.