Vawiin khan Chief Electoral Officer Pu Ashwani Kumar-a Office-ah All India Radio leh Doordarshan-a recognized Political Party-te’n Inthlan thuchah an sawi hun tur pawhna (draw of lots) neih a ni.

Election Commission chuan recognized Political Party ten All India Radio leh Doordarshan-a inthlan thuchah an sawi nan minute 810 a siamsaka, Congress-in minute 219, MNF-in minute 182, MPC leh ZNP-in minute 91, BJP-in minute 47, BSP, CPI, CPI(M) leh NCP ten minute 45 theuh hun an hmang thei dawn a ni. AIR Aizawl chuan November ni 8 atang an puangchhuak tan anga, Doordarshan, Aizawl lam chuan November ni 10 atang an puangchhuak tan thung ang. Heng bakah hian Election Commission ruahmanna angin recognized Political Party aiawhten inthlan chungchang sawihona hun AIR leh Doordarshan Kendra-ah an hmang bawk ang.

Vawiin Draw of lots neihna hi Pu Ashwani Kumar, CEO in ho in, AIR leh Doordarshan hmarchhak bialtu, Additional Director General Pu C.Lalrosanga leh Officer dangte, Jt. CEO Pu Lalengmawia leh Political Party aiawhte an tel a ni.