Vawiin khan All Mizoram Women Federation-te chuan “Inspiring Change Towards Gender Equality” tih thupui hmangin I&PR Conference Hall-ah symposium an buatsaih. He programme hi International Women’s Day March ni 8 a lawmna chhunzawm nan neih a ni.
Vawiin symposium-ah hian kohhran leh tlawmngai pawl hrang hrang a hruaitute leh mi thiam te kalkhawmin, kohhran, khawtlang, hnam leh ram rorelna a hmeichhiate hlutna te, socio-economic development leh chhungkaw hriselnaa hmeichhe pawimawhnate an zirho a ni.
