Member of Parliament (Lok Sabha) Inthlanna tura Aizawl District huam chhunga Election duty tura ruat Polling Party te chuan vawiin khan training an nei a, Presiding Officer leh First Polling Officer te chuan Govt. H.S.S. ah neiin Second & Third Polling Officer ten Vanapa Hall ah an hmang thung a ni.

Training ah hian inthlannaa an hnathawh dan tur leh mawhphurhna te an inhrilhfiah a, Election buaipui tura ruat Polling Party te chu Representation of the People Act, 1951 section 28A-in a sawi angin Election Commission of India thuneihna hnuaia awm an nih tawh thu te sawiin an mawhphurhna pawimawh zia hriaa, hmanhmawh lova uluk taka an hna leh mawhphurhna te thawk tura ngen leh hriattir an ni.

DEO Aizawl Pi Juhi Mukherjee, IAS pawhin Training hi tlawhin a hmanpui bawk a ni.

Vawiin training neihna ah hian heng Master Trainer te hian an zirtir a ni :-

1.    

Pu R.Lalthazuala, DCSO, Aizawl East.

2.

Pu K.Lalrohlua, DLAO, Aizawl.

3.   

Pu James Lalnunmawia, Secretary, AMC

4.   

Pi Zosangzuali Pachuau, Dy. Director, DM&R

5.   

Pi Lalsangpuii Hmar, Under Secretary, GAD

6.   

Pi Pinky Zosangpuii, Asst. Commissioner, Aizawl

7.   

Pu Lalrohlua, Under Secretary, DP&AR

8.   

Pu Robert C.Lalhmangaiha, Dy.Director, RD Dept.

Polling Party atan hian mi 1550 ruat an ni a, Training hi tum 2 la neih tura ruahman a ni.

ECI-in inthlannaa Aizawl District General Observer atana a ruat Dr Rakesh Gupta, IAS, Secretary Health cum Mission Director, National Health Mission cum Commissioner FDA, Haryana pawh vawiin hian Aizawl lo thleng tura beisei a ni.