3410/2022-2023
30.01.2023 : Vawiin chhun khan Defence Minister Pu Rajnath Singh hovin All Party Leaders MP ten naktuk, January 31 atanga neih țan tur, Parliament Budget Session atana inbuatsaihna atan Parliament Library Committee Room ah meeting an nei a.

He meetingah hian Mizoram Rajya Sabha MP Pu K.Vanlalvena chuan thu sawiin Mizoramah Myanmar atanga raltlan mi eng emaw zat enkawl mek an nih thu leh Bangladesh atanga raltlan lo lut tur te erawh ramriah BSF ten an lo dan kir thin avangin mi tam zawkte chu an kir leh thu a sawi chhuak a. Mizo hnahthlak ralthuam kengte leh Bangladesh Army te chu niminah pawh khaw pakhatah nilenga an la inkah thu sawiin, Civil mite chu anmahni sahim nan Mizorama an lo luh phalsak ngei a tul a ti a. Central sawrkar-in Bangladesh atanga ral tlante Mizorama lo luh phalna BSF hnenah a pek thuai a tul tih a sawi a ni.

Attachment

  • Loading attachment...