3411/2022-2023
Champhai, the 30th January, 2023: Ruihhlo leh a kaihhnawih hrang hrang laka India ram a fihlim theihna tura Sawrkar laipui Ministry of Social Justice & Empowerment leh Mizoram State Social Defence & Rehabilitation Board-te tangkawp hnuaia National Action Plan for Drug Demand Reduction (NAPDDR) hmalakna, 'Nasha Mukh Bharat- Drug Free India Campaign' kalpuitu District Level Nasha Mukt Bharat Abhiyaan (NMBA) Committee, Undivided Champhai District hnuaia Sub-Commitee-te chuan meeting thurel bawhzuiin tunlai hian hma an la mek zel a ni.

Vaihhlo leh a kaihhnawih hman khawloh, zawrh leh dapchhuah kawnga hma la tura din, Sale of Tobacco & Cigarettee Monitoring Team member-te chu Pu H. Vanlalthanga O/C, Champhai Police Station kaihhruaiin vawiin khan hmalak dan tur ngaihtuahin an thukhawm a. Thukhawm chuan vaihhlo leh a kaihhnawih zuarte enfiahna leh zirna in hnaivaia zawrh a ni em tih enfiahna thla tin vawikhat tal neih nise an ti a. Veivahna kawnga senso ngaite leh buaipui tulte sawiho a ni bawk a. Thurel bawhzuiin vawiin khan vantlang hmuna meizuk phal lohna dan Cigarettes and Other Tobacco Products Act, 2003, Sec 4 6b (Prohibition of smoking in public places) zawm a nih leh nih loh an endik a. Govt. GM High School leh Govt. Primary School I te an tlawh a; School chhehvela dawr siamte endik nghalin inhrilhhriatna leaflet-te pein a remchan dan angin awareness campaign neih nghal a ni bawk.

District Level Nasha Mukt Bharat Abhiyaan (NMBA) Committee bultumin January ni 28, 2023 khan Champhai Dinthar Veng VC Hall-ah Health Camp buatsaih a ni a. He hunah hian mi 32 te free medical check up tih sak an ni a; heng bakah hian in lama damlo pakhat tlawha enkawlna pek a ni bawk.

Nasha Mukh Bharat Abhiyaan - Drug Free India Campaign hnuaiah hian India rama District 272 ahte ruihhlo do hmalakna kalpui hmasak a ni a.  Nikum August thla khan District 100 dang telh belh leh a ni a; tun dinhmunah District 372 ah kalpui mek a ni. Aizawl, Kolasib leh Champhai District-te chu Mizoram atanga he campaign kalpuinate an ni a; Narcotics Control Bureau (NCB) leh Ministry of Social Justice & Empowerment kaltlanga National Survey neihin drug hluarna District ni a a tarlan zulzuia thlante an ni.