Vawiin chawhma khan CS Conference Hall-ah ni li (4) cham tura lo zin Ambassador of India to Afghanistan Pu Vinay Kumar, IFS leh GAD Commissioner & Secretary Pu Ashish Kundra, Planning Secretary Dr. Vanlalramsanga leh Commerce & Industries Director Pu J. Hmingthanmawia te an thukhawm.

Meeting-ah hian Mizoram dinhmun tlangpui Ambassador hi hrilhhriat a ni a. Mizoramin Kaladan Multi-Modal Transit Transport Project a hman tangkai theih dan tur te, Mizoram leh a chhevel ramdang Bangladesh leh Myanmar inkara sumdawnna leh indawrtawnna tun aia hma a sawn theihna tur te, inkalpawhna lama hmalakna rail kawng siam mek te, hydroelectric leh solar energy lama Mizoramin ke a pen theihna tur te,  khualzinte hipna kawnga hmalak dan tur te, Act East Policy kalpui dan chungchang te sawiho a ni.

Ambassador to Afghanistan Pu Vinay Kumar hian zirtawpniah Mizoram a chhuahsan dawn a ni.