Vawiin chawhma khan Union Minister Shri DV Sadananda Gowda chuan Members of Parliament Local Area Development Scheme (MPLADS) Facilitation Centre, Aizawl DC Office- ah a hawng.

Union Minister chuan Mizoram chu state vannei tak niin, MP Lok Sabha leh Rajya Sabha member thawk tha leh thahnemngai nei state a ni, a ti a. MP Works te pawh DC Office kaltlanga tha taka thawh thin chu, DC Officers leh Staff te thahnemngaihna a ni, a ti a. MP Portal Web pawh enkawl tha a tih thu leh, belhchian dawl leh langtlang; sawrkara hnathawhte tarlanna a nih angin, mipuite pawhin tlawh fo turin a chah a ni. Inkalpawhna tha Mizoramin a neih hun chuan Tourism-ah leh Industry-ah hma a sawn ang, a ti a. Bamboo Industry-ah Mizoram chuan potential a nei tha, a ti a, chumi atana tan la turin a sawm bawk a ni.

MPLADS Facilitation Centre hi chhawng thum niin, MP Lok Sabha leh Rajya Sabha te’n Rs. 2.5 lakh ve ve a an pek atanga sak a ni a. Feet 45 a sei, Feet 14 a zau a ni. First Floor-ah hian MP Files lo buaipui tur UDC 2 thuin, Help Desk leh Computer Operator-in a thutchilh bawk a ni. Top Floor hi District Emergency Operation Centre atana hman a ni.

He hunah hian Aizawl DC, Officers leh Staff thahnem tak an tel a ni.