5047/2025-2026

Aizawl; the 30th March,2026 : Vawiin khan District Election Officer leh District Municipal Election Officer, Aizawl district ni bawk Er.Lalhriatpuia kaihhruaina hnuaia kan hma lawk April ni 21-a Aizawl Municipal Corporation ( AMC),2026 inthlanpuia Election official tur a ruat: Municipal Returning Officers(MROs), Assistant Municipal Returning Officers( AMROs) leh Nodal Officers(NOs) ten AMC,2026 General Election atana an inpuahchah dan thlirhona meeting, DC Office Pisapui Hall-ah an nei. Vawiin meeting-ah hian official tin ten an mawhphurhna zawn theuhva an hmalak tawhna leh hmachhawp awm te report an pe. Vawiin tlai dar 3:00Pm hi candidate inhnukdawh thei hun tawp niin, candidate inhnukdawk an awm loh thu leh Independent Candidate an awm lo thu report-ah hian tarlan a ni.

 AMC, 2026 General Election-ah hian INC, MNF leh ZPM te chuan Ward 19-ah candidate an nei vek a, BJP erawh chuan Ward 11-ah candidate an nei thung. Candidate te hi an vaiin 68, hmeichhia- 27 leh mipa- 41 an awm. Ward 6 heng: Ward –II,IV,V,XI,XII leh XVII te hi hmeichhe tana reserved ward an ni.

Tun tum AMC,2026 General Election a hman tur Final Electoral Rolls a voter awm zat chu 239989 niin, hmeichhia – 129656  leh Mipa – 110333  voters an awm.  Mipa ai hmeichhia 19323 in an tam.  Voter  tamna ber Ward hi WARD XVIII niin, voter  18906 an awm a. A tlemna ber Ward hi WARD VIII niin; voters  7975 an awm thung.