159/2026-2027

Aizawl; 15^th April,2026: Vawiinah khan Aizawl DC Meeting Hall-ah, AMC, 2026 General Election-a General observer atana ruat  Pu Lalnunhlua, Additional Secretary, Agriculture & Farmers Welfare Dept. leh recognized political party 4: INC,BJP,MNF leh ZPM aiawh te telpuina hnuaiah AMC,2026 inthlanpuia polling official tur: Presiding Officers leh Polling Officers te randomization programme  hman niin, Election Officer bakah Municipal Returning Officer (MRO) leh Assistant Municipal Returning Officer(AMRO) te pawh he randomization programme-ah hian an tel.

AMC, 2026 inthlanpuia polling official hman theih tura awm  te hi  PRO tan 330, PO-I tan 330 leh PO-II tan 329 an ni a. Heng atang hian  vawiin 2^nd Randomization-ah hian Polling station 264-a duty tur PRO-264, PO-I-264 leh PO-II -264 leh, ward tin tan Reserve 20%  nen computer chuan a thlangchhuak (randomized) a. Polling Team 1 a awm tur PRO leh PO-I leh PO-II te herchhuak ( randomized) lehin, chung Polling team te chu Ward 19-ah a semdarh (randomized) leh ta a ni.  Saturday (18/04/2026) khian Final Randomization neih leh tur a ni a, hetah hian Ward tin a Polling team te chu Ward tin chhunga an duty na tur Polling station theuhva computer hmanga semdarh( randomized) leh an ni ang.

AMC hnuaiah hian Ward 19 awmin, heta tanga Ward 6(paruk) hi hmeichhe tana reserved a ni a, Local council 89 leh Polling Station 264 a awm mek a ni.