217/2026-2027

AIZAWL; 20th April, 2026: Tukin zing dar 9:00 khan AMC,2026 inthlanpuia General observer te leh Political party :BJP,INC,MNF leh ZPM aiawh te telpuina hnuaiah EVM Strong room atanga EVM te lakchhuah niin, Lammual atangin dar 10:00Am atang khan polling party 263 ten an duty-na hmun tur polling station theuh panin an chhuak a, an duty-na tur polling station theuh tluang takin an thleng fel tih DEO & DMEO office atanga thu dawn a ni. Vawiinah hian Polling team ten Polling station-a tihtur tul te an ti ang a, an area theuhva Polling Agent te nen naktuka felfai tak leh tluang taka  vote thlak a nih theih nan inkawmhona hun te an nei bawk ang. Vawiin polling team fehchhuak ta te bakah hian a tulna hmun leh huna tirhchhuah theih tur Reserve Polling team 20% an la awm bawk. Naktuk vote thlak hi felfai tak leh thianghlim taka kalpui a nih theih nan;  Security duty te bakah Sector officer te leh General Observer ten hneh takin an vil reng dawn a ni.