216/2026-2027

Saitual, the 20th April, 2026: Vawiin khan DC Conference Room, Saitualah, Saitual District Level Committee on Fire Prevention chu Pu Tharun Patnaik, SDO (S) kaihruainain an thu khawm.

He hunah hian Pu Andrew Lalthlamuana, ACF & Member Secretary, District Level Committee on Fire Prevention chuan kangmei ven kawngah khaw hrang hrangina hma an lak tawh thu te a tarlang a, State Level Sub-Committee on Fire Prevention-in a lo rel tawh angin kangmei ven kawnga hma la tha ber khua thlan a ngaih thu a sawi bawk.

Vawiin thutkhawmah hian Saitual District chhunga kangmei ven kawnga hma la tha ber khua thlang turin District Level Monitoring Committee din ni se tih rel a ni a, he committee hian khaw hma la tha zual lawmman pathumna thleng dawng tur leh khaw ti tha dang pathum, consolation prize dawng tur an thlang ang. Distict Level-a khaw ti tha ber hian State level-ah Saitual District ai a awh dawn a ni.

Vawiin thutkhawm hi Pu Tharun Patnaik, SDO (S) chuan a kai hruai a, Pu Andrew Lalthlamuana, ACF & Member Secretary, District Level Committee on Fire Prevention bakah District Level Committee on Fire Prevention member te an tel a ni.