Vawiin chawhma dar 11:00 khan Aizawl Municipal Council Inthlanna atana District Level Standing Committee meeting vawi khatna chu DMEO Pu C. Thanchhuma, Aizawl DC, pisa-ah neih a ni a. He meeting-ah hian AMC Inthlan atana mawhphurhna nei tur Official hrang hrang te leh MPF te, NGO te, Party hrang hrang aiawh te an tel a ni. Meeting-ah hian AMC Inthlan programme te, Candidate te tana Account of Expenditure vawn chungchang leh Model Code of Conduct chungchang te sawi a ni.
AMC Inthlan atan hian Municipal Returning Officer pathum (3) ruat an ni a. Ward I - VII atan Pu J. Hmingthanmawia MCS, Addl. DC (G); Ward VIII - XIII atan Pi Sangchhin Chinzah MCS, Addl. DC (C) leh Ward XIV - XIX atan Pi Lalzarmawii MCS, Jt. Director, DM&R te ruat an ni a, an hnuaiah hian Assistant Municipal Returning Officer pahnih (2) theuh an awm bawk ang. Heng bakah hian Election Observer tur mi 10 ruat an ni a, Model Code of Conduct Monitoring Cell pathum (3) din a ni bawk.
4th October, 2010 (Thawhtanni) hian Mizoram State Election Commission-in AMC Inthlan atan Hriattirna (Notification) a ti chhuak ang a, nomination file nghal theih a ni ang. Nomination hi 11th October (Thawhtanni) thlengin 11:00am - 3:00pm ah file theih a ni ang a, Scrutiny of Nominations chu 12th October (Thawhlehni) ah neih a ni ang. Candidate te tan 14th October (Ningani) 3:00pm thlengin inhnuhdawh theih hun hawn a ni.
AMC Inthlan hi 3rd November, 2010 (Nilaini) zing dar 7:30 atanga tlai dar 4:00 thlenga neih tura ruahman a ni a, inthlan that (repoll) ngai a awm loh chuan 4th November (Ningani) zing dar 8:00 atangin Vote chhiar a ni ang a. Election process hi 16th November, 2010 (Thawhlehni) ah zo fel vek hman tura ruahman a ni.
AMC Inthlan tur hian Veng hrang hrang 76 huamin AMC huam chhungah hian Polling Station 174 a awm a. Inthlan atan hian Election Commission of India chuan EVM 240 hman a rawn phalsak tawh a ni. EVM te enfiah hmasak ber chu 7th-8th Oct, 2010 hian DC Office Conference Hall-ah neih a ni dawn a ni.
4th October, 2010 (Thawhtanni) hian Mizoram State Election Commission-in AMC Inthlan atan Hriattirna (Notification) a ti chhuak ang a, nomination file nghal theih a ni ang. Nomination hi 11th October (Thawhtanni) thlengin 11:00am - 3:00pm ah file theih a ni ang a, Scrutiny of Nominations chu 12th October (Thawhlehni) ah neih a ni ang. Candidate te tan 14th October (Ningani) 3:00pm thlengin inhnuhdawh theih hun hawn a ni.
AMC Inthlan hi 3rd November, 2010 (Nilaini) zing dar 7:30 atanga tlai dar 4:00 thlenga neih tura ruahman a ni a, inthlan that (repoll) ngai a awm loh chuan 4th November (Ningani) zing dar 8:00 atangin Vote chhiar a ni ang a. Election process hi 16th November, 2010 (Thawhlehni) ah zo fel vek hman tura ruahman a ni.
AMC Inthlan tur hian Veng hrang hrang 76 huamin AMC huam chhungah hian Polling Station 174 a awm a. Inthlan atan hian Election Commission of India chuan EVM 240 hman a rawn phalsak tawh a ni. EVM te enfiah hmasak ber chu 7th-8th Oct, 2010 hian DC Office Conference Hall-ah neih a ni dawn a ni.
