62/2026-2027
Aizawl the 7th April, 2026: Aizawl Municipality huam chhunga Ward 19-ah General Election to Aizawl Municipal Corporation, 2026 chu ni 21 April, 2026 (Thawhlehni) a neih turah hian vote inthlaksak emaw vote thlak nawn emaw a awm lohna’n State Election Commission chuan sub-rule (3) of Rule 53H of the Mizoram Municipalities (Election of Councillors) Rules, 2007-in thuneihna a pek angin voter zawng zawngte voter identity tih chian nan a hnuaia document eng emaw ber hi an hmang thei ang.
DOCUMENT HMAN THEIH TE
- Elector’s Photo Identity Card (EPIC), ECI in a tih chhuah;
- Aadhaar Card;
- Passport;
- Driving License;
- Income Tax Identity (PAN) Card;
- State/Central Government, Public Sector Undertakings, Local Bodies emaw Public Limited Company-te’n an hnuaia hnathawkte hnena an pek chhuah thin Service Identity Card;
- Heng Public Sector Banks /Post Office atanga lak chhuah Passbook leh Kisan Passbook;
- Property Documents heng Patta, Registered Deeds, etc. thlalak chuanna;
- Thuneitu ruat bikte hnen atanga lakchhuah SC/ST/OBC Certificate leh Residential Certificate;
- Pension Documents, heng Ex-servicemen’s Pension Book/Pension Payment Order, Ex-servicemen’s Widow/ Dependent Certificate, Old Age Pension Order, Widow Pension Order;
- Pianphunga rualban lohte hnena Certificate pek, thlalak chuang, thuneitu ruat bikte hnen atanga lak chhuah;
- Head of Institution-in a tihchhuah Student’s Identity Card;
Heng document-te hmang Io a vote thlak tir an awma vote inthlaksak leh thil dik Io hmuh chhuah a nih chuan Presiding Officer leh Polling Officer-te’n mawh an phur ang.
