DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/amc-inthlanpui-2026-lo-awm-tura-polling-station-leh-counting-hall-a-mobile-phone-hman-khap-chungchangp

AMC Inthlanpui, 2026 lo awm tura Polling Station leh Counting Hall-a mobile phone hman khap chungchang

63/2026-2027

Aizawl, 7th April, 2026 : State Election Commission, Mizoram chuan ngunthluk taka a ngaihtuah hnuah Polling Officer-te, Candidate-te, Election agent-te, Polling agent-te leh Voter-te’n Aizawl Municipal Corporation Inthlanpui lo awm tura vote thlak ni (April ni 21, 2026) a vote thlakna hmun (polling station building) ah mobile phone ken luh hrim hrim a khap a. Presiding Officer-te erawh Poll Day Report an pek a ngaih avangin mobile phone silent mode a dahin an ken luh phalsak an ni.

Vote chhiar ni April ni 27, 2026 ah chuan vote chhiarna hmun (Counting Hall) ah) Election Observer-te, District Municipal Election Officer, Assistant District Municipal Election Officer, Municipal Returning Officer-te leh Asst. Municipal Returning Officer-te chauh mobile phone silent mode a dahin an ken luh phalsak an ni a. Counting Hall luh dawnah security duty ten uluk takin an lo check thin ang.