Vawiin khan UD & PA Minister Pu Zodintluanga’n a office ah Aizawl Municipal Corporation Member thlan tharte kawmin lawmpuina leh chibai bukna thingpui a inpui a, ti ti ho na tha tak an nei a ni. He hunah hian AMC Member thlan tharte bakah Dr. C. Vanlalramsanga, Secretary, UD&PA; Pu Vanlalmawia, Jt. Secretary, UD&PA; Pu Zorammuana, Director, UD&PA; Er. Valbuanga, Programme Director, SIPMIU; Dr. H. Lalthangliana, Minicipal Commissioner, Aizawl Municipal Corporation te leh Department lam official pawimawh an tel tha hle.

AMC Member thlan tharte hnenah lawmpuina leh an kalzelna atana duhsakna hlanin Pu Zodintluanga chuan kum nga kalta ah khan hetiang programme hi neih a lo ni tawh in chutih lai hunah chuan inzir chawp chungin Drafting Committee te Department in a siam chawp a. Dan siam chung leh inhai kaw chunga kal chho an nih thu a sawi a. Tun atang chuan Municipal Corporation a lo nih tawh dawn avangin Councillor thar te chu in zir chiang a, Aizawl mipuite eng anga service tha nge kan pek ang tih te ngaihtuah a ngai in, Work Committee tha tak neih a, bawhzui zel a ngai dawn a ni, a ti a. Municipal leh State sorkar hi thawk dun a kal dun tur anih angin Aizawl hmasawnna tur leh mipui tan theihtawp chhuah a, an thiam an finna hmang chhuak turin a sawm a ni.

Rules & Regulations buatsaih mek a niin Orientation Training neih hunah sem theih ngei a nih a beisei thu sawiin Minister chuan nihna (designation) aia mawhphurhna (respondibility) ngaih pawimawh a tul thu leh party bing thlir lova mipui tana thawk an ni tawh tih in hriaa Aizawl hmasawnna tur leh Aizawl khawpui ti chak tura ke pen turin a chah nghal a ni.

AMC thlan tharte atangin Pu Rosiamngheta te, Pi M. Zohmingthangi leh midangten thu pawimawh leh tha tak tak sawiin inkawm hona hun tha taka neih zui nghal a ni.