Pu Lalthanzara, Cabinet Minister leh Mizoram Football Association President ni bawk chuan vawiin khan Mamit a tlawh a, District Football Association Building, Field Veng Mamit a Rs. 6lacs seng a sak chu hawngin 1st Inter Village Mamit District MLA’s Cup Football Tournament, GSA Playground a buatsaih-ah lawmman a sem bawk.

MFA President chuan MFA hmalakna avanga Mizoram football-in hlawhtlinna tam tak a hmu chu lawmawm a tih thu sawiin, hei hi District Football Association te nena thawhhona tha an neih vang a nih thu a sawi a. Ram pum huapa langpha football khelthiam chherchhhuah an ni zel chu lawmawm a tih thu sawiin, India rama Foootball Association ten Mizo player te an enthlak reng thu sawiin rampum huapa langpha tura tan la turin player te a fuih a. FIFA in India rama state 7 an chhawm chhoh tura an thlan zingah Mizoram a tel thu sawiin, kumthar atang min enkawl dawn a ni a ti a. Football khelh hi eizawnna tlak a ni tih hria a, insumtheihna leh taihmakna nena bei turin player te a chah a ni.

Minister hian District Information & Public Relations Office thar a tlawh bawk a ni.