No.7246/2020-2021
Vawiin khan Mamit District Final Electoral Roll, 2021 chu Dr. Lalrozama, IAS, District Election Officer/ District Bawrhsap chuan a tlangzarh.
District Election Officer chuan roll a hun taka release theih a ni chu lawmawm a tih thu a sawi a, thawktute inpekna-ah lawmthu a sawi.
Final Electoral Roll, 2021 tlangzarh takah hian Mamit District chhungah vote nei mi 69357 awmin mipa 35158 leh hmeichhia 34199 an ni a. Vote nei thar hi mi 2367 awmin mi 800 chhan hrang hrang avangin paih an ni thung a, Vote nei punna hi 1567 niin 2.31% a ni.
Mamit District chhungah hian Polling Station 117 awmin 1- Hachhek (ST) ah hian vote nei tamna ber chu Zamuang polling station niin 1203 vote nei an awm a, Vote nei tlemna ber hi Sotapa niin voters 127 an awm a ni. 2-Dampa ( ST) ah hian Saithah Polling Station-ah Voters 1048 awmin vote nei tamna ber a ni a, Zopui Polling Station-ah voters 49 awmin a tlemna ber a ni. 3-Mamit (ST) huam chhungah Damparengpui Polling Station-ah Voters 1180 awmin vote nei an tam ber a, Tlangkhang Polling Station-ah vote 169 awmin a tlemna ber a ni thung a ni.
1-Hachhek ( ST) huam chhung ami Phuldungsei/Zampui Polling Station thar siam rawtna chu Election Commission Of India (ECI) in a lo pawm tak avangin Polling Station thar atana ruat a ni.
Final Electoral Roll, 2021 tlangzarh tak hi Political Party aiawh BJP, Congress, MNF leh ZPM te hnenah District Election Officer hian a hlan nghal bawk a ni.
Vawiin Final Electoral Roll, 2021 tlangzarhna hunah hian Election Officials bakah Khawtlang hruaitu, Political Party aiawh leh Tlawmngai pawl aiawhte an tel a ni.
 |
Attachment
- Loading attachment...
