No.7247/2020-2021
Vawiin chawhnu dar 12:30Pm khan DC's Conference Room-ah Siaha district a 39-Saiha A/C leh 40-Palak A/C a Final Electoral Roll chu Pu.Kesavan R, IAS, District Election Officer leh District Bawrhsap ni bawk chuan a tlangzarh a. Political Party hrang hrang aiawhte hnenah a Hard leh Soft copy khat theuh a pe hlawm bawk a ni.
Final Electoral Roll tlangzarhna-ah thu sawiin; Pu Kesavan chuan Election langtlang, felfai leh huapzo tak neih tur chuan kan E/Roll atanga bul kan tan a ngai a. Chutiang atana hmalakna hmasa ber niin; hah pawh sawi lo leh taima taka E/Roll felfai tak buatsaihna kawnga thawktute zawng zawng hnenah lawmthu ka sawi tak meuh a ni, a ti.
Tarik 01.01.2021 qualifying date a hmang a tlangzarh tak Final E/Roll-ah hian 39-Saiha A/C-ah Mipa Voter 10791 leh hmeichhe Voter 11730 an awm a, an vaiin Voter 22521 an awm mek a ni. 40-Palak A/C-ah hian Mipa voter 9556 leh hmeichhe voter 9701 awmin, an vaiin voter 19257 a awm thung. Service voters hi 39-Saiha A/C-ah 66 awmin, 40-Palak A/C-ah Voter 81 an awm thung. Siaha district-a service voter awm zawng zawng chu an vaiin 147 an ni. 39-Saiha A/C leh 40-Palak A/C belhkhawm hian Siaha District pumpuiah voter (Service vote chhiar telin) 41925 an awm mek a ni.
Tahrik ni 16.11.2020 a tlangzarh tak Draft E/Roll a tanga voters punna hi, 39/Saiha A/C ah 559 (2.55%) a ni a, 40 Palak A/C ah pawh 591(3.17%) voters in a pung ve bawk a, a vai a punna hi 1150 (2.83%) voters a ni.
Vawiin a tlangzarh tak Final Electoral Roll hi Electoral Registration Officer, 39 Saiha (ST) leh 40 Palak (ST) hnenah emaw Assistant Electoral Registration Officer's Office ah te, Booth Level Officers' Office leh District Election Officer website- deosaiha.mizoram.gov.in ah te enfiah theih reng a ni bawk ang.
Attachment
- Loading attachment...
