Vawiin khan Pi Zaii Hall, Mission Vengah State Level Best Anganwadi Worker Award leh Helper Award mi sawm hnenah hlan a ni a, Social Welfare Department Minister, Pu P.C. Lalthanliana chu khuallian a ni.

He Award hlanna inkhawm Pi Vanlaldini, Director SWD kaihhruaiah hian Minister chuan Award la te a lawmpui thu sawiin, thawktu dang te pawh Award dawn loh vanga hnual phah loturina chah a, tang sauh sauhturina fuih a ni. Hnathawktu te chu Award dawn tum avanga thawk tha lovin, thawh that avnga award dawn tum zawk turin a chah a. Social Welfare Department hnathawkte chu an hna chu rawngbawlna a ngai a, Pathian duhzawng a thawk turin a chah a ni. Thawktu zawng zawngte mahni thlen chin atanga hmasawnna kawng pan zelturina chah bawk. Minister chuan phai lam atanga anganwadi a sem tur eitur te lalut ringawt lova, mizorama kuthnathawktu te thar chhuah ngei pek anih theih nan kaldan phung mumal tak ngaihtuah anih mek thu a sawi bawk.

Minister tawiawmtu Pu K. Lalrinthanga, Parliamentary Secretary i/c SWD pawhin hlawh tlemte la chunga hnathawktu inpe tak tak an awm chu lawmawm a tih thu a sawi a. Mi chanhai leh chhumchhiate dawmkanga, mite tana malsawmna thlen thin tu Dept. changtu ani chu lawmawm a tih thu a sawi bawk.

He hunah hian Pi M. Sathiyavathy chu khualzahawm niin, lawmna thu a sawi bawk.

State Level Best Anganwadi Workers Award dawngtu te:

1)    Lalthlamuani, Kawnpui AWC-I, Thingdawl ICDS Project.

2)    F. Vanlalengi, Chiahpui AWC-II, Ngopa ICDS.

3)    Laltanpuii, Ramhlun ‘N’ AWC, Aizawl Urban ICDS Project.

4)    Lalchhanhimi, Khawzawl AWC-X, Khawzawl ICDS Project.

5)    Zothansangi, Chawkawn AWC, E.Lungdar ICDS Project.

 State Level Best Anganwadi Helper Award dawngtu te:

1)    Lalengmawii, Kolasib AWC-VI, Thingdawl ICDS Project.

2)    Lallawmchhungi, Vairengte AWC-II, Bilkhawthlir ICDS Project.

3)    Liansangpuii, Ngopa AWC-III, Ngopa ICDS Project.

4)    Kaphnuni, W.Phaileng AWC-VII, W. Phaileng ICDS Project.

5)    Zosangpuii, Sethlun AWC-I, Lunglei ICDS Project.

State Level Best Anganwadi Workers Award hian certificate bakah pawisa fai Rs. 5000/- a keng tel a, State Level Best Anganwadi Helper Award hian certificate leh pawisa fai Rs.2500/- a keng tel bawk. State Level Best Anganwadi Workers Award hi 1995 atang khan kumtin hlan thin niin, tun kum atang helper award hi telh a ni.

Heng award bakah hian National Award Anganwadi Workers hnena hlanturinheng mi te hi thlan an ni a, hun remchang hmasa berah hlan an ni ang.

 Huallianguri, Champhai AWC-XIII, Champhai ICDS Project.

1. Vanlalringi, Siphir AWC-II, Tlangnuam ICDS Project.
2. Lalkamlovi, Republic AWC-III, Aizawl Urban ICDS Project.
3. Rothangi, Ngopa AWC-V, Ngopa ICDS Project.
4. Lalrokimi, Bawngkawn South AWC-II, Aizawl Urban ICDS Project.