National Institute of Technology (NIT) Mizoram Dirtector Prof U.C.Ray chuan vawiin khan Chief Minister Pu Lal Thanhawla chu a office chamberah a hmu a, inkawmna hun tha tak an nei.

Prof U.C.Ray hian NIT Mizoramin hma a sawn dan te leh hma an laknate Chief Minister hi a hrilh a. Mizoram NIT Campusa zir tura Mizo zirlai naupang ten an quota an hnawh khah phak loh thin avangin Prof U.C.Ray chuan Mizoram Youth Commission nen tangkawpa zirlai tam zawk an luh theihna turin inhrilhhriatna, awareness campaign neihpui a tum thu te a sawi a. Mizoram sorkarin NIT Mizoram awmna tur nghet Lengpui khawtlang hruaitute kaltlanga ram zau tak a pekah chak taka tul ang angte bawhzui thuai thuai turin Chief Minister hian a chah a, tul ang zawng zawng ngaihtuah ngaite chu Union Ministry of Human Resourses Development ah a thlen zel tur thu a hrilh bawk a ni.