4871/2024-2025

Dated the 28th March, 2025 : Nasha Mukt Bharat Abhiyaan (NMBA) Drug Free India Campaign, Aizawl District chuan Aizawl DC Er. Lalhriatpuia, IAS Chairman-na hnuaiah Aizawl district college 10 aṭanga Master Volunteers thlanchhuah 50 te leh Nodal teachers 10 te hnenah 'One day training on Drug Abuse prevention for Master Volunteers & Nodal Teachers' chu vawiin khan I&PR Conference Hall, Lianchhiari Run-ah a buatsaih a. Pi Lalzarmawii, IAS, Commissioner & Secretary, Social Welfare, Tribal Affairs, Women & Child Development Department chu khuallian a ni a; khual zahawm Pi Zonunthari, Joint Secretary, Social Welfare, Tribal Affairs, Women & Child Development Department chuan keynote address a sawi. Govt. Aizawl North College NMBA  Anti-Drug Club ten special item neiin NMBA Master Volunteer te aṭangin an hmalak tawhna ngaihnawm tak mai Testimony sharing ngaihthlak a ni bawk.

Aizawl DC Er. Lalhriatpuia, IAS, NMBA Aizawl District Chairman kaihhruaina hnuaiah Khuallian Pi Lalzarmawii chuan Aizawl district huamchhunga college thlanchhuah 10-te, MHIP Gen Hqrs leh CDPO, Aizawl Urban ICDS Project te hnenah NMBA Aizawl District hnuaia nasa taka hmalakna tur atan ṭanpuina sumfai a hlan bawk a ni.

Ministry of Social Justice & Empowerment, Govt. of India chuan National Survey leh Narcotics Control Bureau tarlan angin ruihhlo hman sual hluarna bik  district te a thlangchhuak a, kum 2020, August ni 15 khan Nasha Mukt Bharat Abhiyaan (Drug Free India Campaign) chu ram puma hman turin a ti a. Tunah hian district thlanchhuah 372 ah kalpui a ni a, district tin Deputy Commissioner Chairman-na hnuaiah kalpui niin Mizoramah pawh district sawmpakhat (11) ah kalpui mek a ni.

Aizawl district bikah hian hmlakna hrang hrang kan lo nei tawh a, sub committee te lo din tawh niin, chungte chu;

1.    Sub-Committee for Schools and Colleges

2.    Sub- Committee on Drug abuse prevention among women leh

3.    Sub- Committee on Task Group te an ni.

Sub-committee for Schools and Colleges hnuaiah hian nikum 27th August,2024 khan Aizawl district chhung a college thlanchhuah 10 atangin Master Volunteers  50 te leh Nodal teachers 10 te chu Social Welfare Minister zahawm tak Pi Lalrinpuii kaihhruaina hnuaiah training kan lo neihpui tawh a, hma an lak zelna atan tanpuina cheng singkhat theuh college 10 te hnenah pek an lo ni tawh a ni. Tunah pawh hian an dawng leh dawn a ni. Anni hian an thalaipui te zingah ruihhlo that lohna te leh ruihhlo hmansual chungchanga hriattur pawimawh te an zirtir chhawng ve leh thin a ni.

Sub- Committee on Drug abuse prevention among women hnuaiah pawh hian hmeichhia te zingah hmalak niin MHIP Gen. Hqrs te nen tanghovin 27th September, 2024 khan Master Trainers Training on Drug Abuse prevention chu neih a ni a, an hmalak zelna atan tanpuina cheng nuai khat pek an lo ni tawh bawk a ni. Tunah pawh an hmalak lehzelna atan pek an ni leh dawn a ni.

Task group Sub- Committee te pawhin theihtawpin Aizawl khawpui chhung a damdawi zuar te zingah, damdawi ruihtheih chi kum naupang te zingah hralh lo tura ngenin, inspection te anlo neih tawh a. Tunah hian an hmalak leh zelna  atan tanpuina cheng singnga pek an ni leh dawn bawk a ni.

He hunah hian MHIP Gen Hqrs atangin MHIP President, CDPO, Aizawl Urban ICDS Project, Aizawl district college students atanga NMBA Master Volunteers 50 te leh Nodal teachers 10 te, NMBA Aizawl District Committee members te leh Social Welfare & Tribal Affairs Department Officers leh staff te an tel bawk a ni.