747/2023-2024

Dated Aizawl the 9th June,2023: Vawiin khan Animal Husbandry and Veterinary Minister Er. Lalrinawma'n Animal Shelter Tuirial leh JB Paws Veterinary Hospital, a tlawh.

He JB Paws Animal shelter leh Hospital tlawhna program-ah hian Minister leh JB Paws enkawltute leh Vety Department hotute inkawmna hun hman a ni a; Minister chuan chhan chi hrang hrang vangin miin an ranvulh te an vulh chhunzawm theih loh chang a awm a, chumi piahlamah rante chunga hleilen ching leh rawng taka che thin an awm bawk a, chung karah chuan ran khawngaihthlak tak tak te lo enkawl tura JP Paws in Animal Shelter an siam chu a ropui in a thlamuanthlak hle a ni, a ti.

Minister chuan Mizoram-a kan ranvulh enkawl dan leh inthlahpun tir danah te awmze nei taka kan kalpui a ,inzirtirna pawh kan uar sauh a ngai a ni, a ti . Ran thlahtir teuh a, a enkawltu an awm leh siloh hian kan ranvulh te awmna mumal neilo ten an awm phah a, an tan a himlo in an hriselna thleng in a nghawng a ni, a ti. Pu Lalrinawma chuan ran ngainat chu thilsiam zawng zawng te hmangaih tura tih kannih avangin kan rinna nen pawh a in rem hle a, ran mai bakah sava leh ramsa te pawh humhalh kan uar sauh tur a ni, a ti bawk.

Pi Lalzarmawii, Secretary ,AH &Vety pawh in thu sawiin Vety Department in Minister ran ngainatu tak an nei chu a lawmawm hle a ni ,a ti a. JB Paws te chungchang pawh sawiin ,an hnathawh a ropui hle a ni a ti a, Department leh Animal welfare atang pawh in hma lak ho na tur a awm chhoh zel a beisei thu a sawi.

Dr.Lalrinpuii Sailo, AH&Vety Department Director pawh in mizo te ina ran te Kan enkawl tha tawk lo chu a pawi hle a ni, a ti a, JB Paws te chu an rawngbawlna thahnemngai taka thawk chhunzawm zel turin a fuih bawk.

JB Paws Foundation, NGO hi kum 2016 khan din tan niin, vawiin thlengin theihtawp in ran baihvai tak tak te lo humhalhin an chenna tur leh eitur te an lo buatsaih sak tawh thin a, Rescue operation,animal birth control ,adoption program,hospital a enkawl leh education leh awareness program pawh an kalpui nual bawk a ni. JB Paws Foundation hi NGO an nih angin an ran enkawlna hi mi tlawmngai te pekkhawm leh JB Paws Hospital atanga an hmuh te a ni hlawm.

JB Paws Foundation Animal Shelter leh Hospital tlawh anih hnu hian Vety Department ram, Republic veng Aizawl ah Minister hian thingphunna a nei bawk.

Vawiin hunah hian AH&Vety Minister hi Vety Department a Secretary , Director leh staff te, State Animal welfare Board Nodal officer Dr C lalzuitluanga, JB Paws enkawltute leh mi pawimawh dang ten an tawiawm a ni.