Dt 17 & 18,10.2019 (Thursday & Friday) hian Registrar of Births & Deaths, Aizawl District chhunga mite chuan Directorate of Economics & Statistics Conference Hall ah Annual Training an nei a Pu Vanlalngaihsaka IAS, Deputy Commissioner Aizawl leh District Registrar of Births & Deaths, Aizawl District ni bawk chuan a hmanpui.

Aizawl District Registrar Pu Vanlalngaihsaka chuan Births & Deaths Registrar te hnathawh pawimawh zia sawiin, Mizoram leh hnam tan rinawm tak leh taima taka thawk zel turin a fuih.

Annual training hawnna hun Pi Biakthansangi Hrahsel, Deputy Chief Registrar of Births & Deaths in a kaihruai a, RBD te chu an hnathawh that avangin India ramah pawh Births & Deaths Registration chungchangah Mizoram State chu thawk tha ber State zingah kan tel tih a sawi a, chu dinhmun chu humhim turin thahnemngai taka thawk chhunzawm tur leh, report pawh a hun takah thehlut thlap thlap zel turin kalkhawm te chu a chah bawk. Pi Sappari, Inspector leh Pi Lalfakawmi, Inspector ten Registrar te hi training an pe a ni.

Annual Training of Registrar of Births & Deaths hi Mizoram District hrang hrangah October leh November 2019 chhung hian a indawtin neih zel a ni ang.