Vawiin khan DRO Conference Hall, Mamit-ah nikhat awh Annual Training on Civil Registration System of Births & Deaths neih a ni a. He hun hi Dr. Lalrozama, IAS, District Bawrhsap / District Registrar of Births & Deaths chuan a hmanpui.

Dr. Lalrozama chuan naupiang leh mitthi-te chiang taka chhinchhiah a pawimawh mai bakah mitthite chu an thih chhan chiang taka ziah a pawimawh thu sawiin chu chu kan hmasawnna ruhrel leh planning siam nan a pawimawh em em a ni a ti. Birth leh Death certificate pek chhuah chungchangah fimkhur leh dik taka pe chhuak thin tura chahin kan thenawm rama NRC list tihchhuah a nih hnuah phei hi chuan fimkhur lehzual a pawimawh thu a sawi.

Vawiin Training-a kalkhawmte chu field worker leh a tak taka thawktute an nih angin hlawkthlak taka training turin duhsakna a hlan nghal bawk a ni.

Pu J. Ramdinmawia, IS, Directorate of Economics & Statistics chuan Power point presentation hmangin kalkhawmte zirtirna a pe a ni.

He hun hi Pu Malsawma, District Research Officer, Economics & Statistics Mamit chuan kaihruaiin kalkhawmte atanga zawhna awm te chhanna pek an nih bakah sawihona hun tha tak a hman a ni bawk.

He hunah hian Mamit District chhung khaw hrang hranga Registrar of Births & Deaths leh Hospital hrang hranga Medical Officer-te an tel a ni.