Vawiin chhun dar 11:30 ah tanin Pu K. Lalnghinglova IAS, Commissioner & Secretary, Tourism Department kaihhruaina hnuaiah a office chamber-ah Working Group of Organizing Anthurium Festival 2014 meeting neih a ni.

Kum danga neih thin ang bawkin kumin hian 25th atanga 27th September, 2014 inkarah Anthurium Festival 2014 chu Tourist Resort, Reiek ah neih leh tum a ni. He festival chhunga Chairman chu Pu Vabeiha Hlychho, Director, Tourism a ni ang. Khuallian turte chu 25th September, 2014 a hawnni ah Pu Hiphei, Speaker, Mizoram Legislative Assembly a ni ang a; 26th September ah Pu T.T. Zothansanga, Parliamentary Secretary, Tourism a ni ang a; 27th September a kharni ah Pu John Rotluangliana, Minister Tourism a ni ang.

He Festival ah hian item hrang hrang cultural dances, folk songs and modern songs, entertainments, sports & games, rifle shooting competition leh Performing Troupe Mara, Lai, Chakma leh Bru Cultural Troupe te beisei an ni. Stall chi hrang hrang hawn a ni ang a; Anthurium girls, flower catwalk, Anthurium cut flower and display bakah district hrang hrang atangin thlai chingtute thlai tharchhuahte pawh pholan beisei a ni.

A tawpni 27th September ah hian a kalkhawm mipui ho te a hmei a pa in Zo incheina chi hrang hranga in chei vek tura beisei kan ni.