Vawiin khan nithum (1st,Oct-3rd,Oct.) awh tur, Anthurium Festival, 2015, Lengpui Mini Sport Complex-a neih tur chungchang a hmalaknate chu Pu V.Lalremthanga,IAS, Secretary , Tourism Department Office Chamber-ah neih a ni.

Meeting-ah hian Festival hlawhtlinna tura chanvo hrang hrang neitu tur ten an hmalakna te leh hmachhawp mek te report pein, theihtawpa hmalak chhunzawm zel nise tihte sawiho a ni a, hei bakah hian Programme duan lawkte pawh thlirhona neih a ni bawk.

Ruahman lawk angin he Anthurium Festival neih rual hian Mizoram Bamboo Day, 2015 pawh hman nghal tum a ni a. Mizoram Bamboo Day-ah hian Mau hmanga thilsiam te entirna te bakah Mau hman tangkai dan inzirtirnate buatsaih tum a ni a. He Bamboo Day hmang tur hian Mizoram chhung mai bakah State pawn atangin an rawn tel dawn bawk a ni. Bamboo Day-ah hian Aizawl khawpui leh Lengpui khua te tan Inter-Branch YMA Cheraw kan intihsiak Final Competition buatsaih tum a ni bawk.

Anthurium Festival, 2015 hawng tur hian Dr.Mahesh Sharma, Union Minister of State (Ind. Charge) Tourism Department, Government of India chu beisei a ni. Anthurium Festival-ah hian a duh apiang lei theih turin Anthurium hi zawrh chhuah tum a nih bakah Mizo hnamzia, zai leh lam te entirin, Rock Festival leh Beat Contest buatsaih a ni bawk dawn a ni.

Ni.29.9.2015 (Tuesday) chawhnu dar 1 : 00 PM hian Pu John Rotluangliana, Minister, Tourism Department hovin Final Review neih leh tur a ni.