Thingtlang miten Sawrkar thuthar an hriat theihna tur leh mipuite sukthlek Sawrkarin a hriat theih nana thuthar thehdarhtute tuaihriamna hun 'Regional Workshop on Improving Information Dissemination in Rural Areas' chu September ni 24, 2015 (Thursday) hian YMA Sub-Headquarters Conference Hall, Venglai, Lunglei-ah neih a ni dawn.
He Workshop-ah hian Lunglei khawpui chhung bakah Hnahthial, Chawngte, Haulawng, Lungsen leh Tlabung atang pawhin Journalists/Chanchinbu Editor te an tel dawn a. Anni bakah hian Khua/Veng thenkhata YMA Chanchinbu enkawltu te, Cable TV Operators te leh Chanchinbu-a thuchhuah tur ziakmi thenkhatte an tel bawk ang a. Workshop-ah hian PIB leh thuthar thehdarhtute thuthar thehdarh kawnga tanho dan turte zirho a ni ang. Hetiang Workshop hi Press Information Bureau (PIB), Government of India, Aizawl-in a buatsaih tumkhatna tur a ni a, a tahtawlin District dangah pawh chhunzawm zel a ni ang.
PIB hian New Delhi-ah Headquarters neiin PIB Website www.pib.nic.in atangin English, Hindi leh Urdu tawngin Presss Releases, Press notes, Feature Articles, Backgrounders, Photographs leh thildangte hmangin ramchhunga chanchinbu leh thuthar theh darhtu 8400 te a chawm mek a, tunah hian social media a hmang tangkai chho mek bawk a ni.
